أخر الاخبار

اسئلة و تفاصيل هامة عن الاختبار الشفوي لوظيفة كاتب رابع بالنيابة الادارية


ان شاء الله بخصوص كل ما يخص #المقابلة الشخصية3
أولا : اناا مش بسميهاا امتحان شفوي هياا مقابلة شخصية 
بمعني المقصود منهاا مش الاجابة علي السؤال اللي هتتسأله الغرض منهاا طريقة ردك ع السؤال وااسلوبك في الكلام يعني مثلا مينفعش تكلم السيد المستشار اللي بيسألك في المقابلة

 وتقوله "انت " لازم " حضرتك " " معاليك " ويكون الصوت واطي وادب في الكلام والوقفة وانت بترد ع سؤاله .
ثانيا : المقابلة الشخصية ليها بردو درجة وتقدير زيها زي 

الامتحان التحريري وبتكون درجتها متقسمة كالتالي :


- درجة لحسن المظهر 

- درجة لطريقة الرد والأسلوب في الكلام 

 - درجة لإجابتك ع السؤال اللي هتتسأله

ثالثا : في المقابلة الشخصية هيتم دخول كل 8 "ثمانية " اشخاص مع بعض وده اللي حصل معانا بالظبط في المسابقة

 اللي فاتت وهيتم توجيه السؤال للجميع ويتم الرد بالترتيب وبيعتمد ده علي سرعة الرد وعدم التوتر او ممكن يكون سؤالك مختلف عن سؤال الباقييين انت وحظك بقي .
رابعاا : بالنسبة لطبيعة الأسئلة ما تقلقوش خالص خالص دي اسئلة بسيطة جدا وزي ما قولت الهدف منها مش الاجابة عليهاا 
الهدف من طريقة الرد والاسلوب في الكلام ؛ يعني مثلا فيه ناس كانت معانا في المسابقة اللي فاتت خلوه كتب رقم كبير وواحد 

تاني خلوه كتب كلمتين وواحد تاني سألوه بس اسمك ايه ومن أي محافظة ؛ فاطمنو قوي الموضوع بسيط خالص بس ااهم 

حاجة زي ما قلت وااكررها تاني حسن مظهرك وطريقة ردك وااسلوبك في الكلام .
خامسا : بخصوص موضوع اللبس :
- أولا : الشباب ممكن  تلبس بدلة وكرافته والكلام و ممكن تلبس كاجوال عادي بس طبعاا يكون طقم محترم يعني ميكونش بنطلون ساقط وبدي مثلا .
- ثانيا : البنات بردو مش لازم بدلة كلاسيك والكلام ده نقي ااجمل طقم عندك وبتحسي بنفسك فيه والبسيه لأن ده هينعكس علي ثقتك بنفسك ومش هيخليكي تتوتري ؛ 
سادساا : دي الأسئلة اللي ااتسألناها بالفعل في المسابقة اللي فاتت ركزو عليها هياا بس وسيبكم من أي كلام تاني :  
- اايه النسبة المئوية للمؤهل بتاعك ؟


= مجموعك في المؤهل اللي قدمت بيه تقسمه علي المجموع الكلي *1000 هتطلعلك النسبة المئوية.

- اايه مواصفات السكرتير الناجح ؟


 = حسن المظهر اللباقة الدقة في العمل الإلتزام بالمواعيد واطاعة أوامر الرؤساء.

- هتعمل ايه لو أثناء التحقيق غلطت وأنت بتكتب ؟ هتبلغ السيد وكيل النيابة بغلطتك أثناء 


التحقيق ولا بعد التحقيق ما يخلص ؟


 = هبلغه علي الفور وأقوم بعمل علامة تنصيص فوق الخطأ وأكتب الصواب واقفل علامة التنصيص .

- هتعمل ايه لو أثناء التحقيق كان قدام المكتب أحد أقاربك وبيسأل عنك هتتصرف ازاي؟


 = هكمل التحقيق وبعدين استأذن وأروح اشوفه.

- هتعمل ايه لو كان التحقيق مع أحد أقربائك هتكمل التحقيق مع السيد وكيل النيابة ولا هتسند التحقيق لأحد زملائك ؟


 = هبلغ السيد وكيل النيابة ليتم إسناد التحقيق لأحد زملائي.

- انت ليه قدمت في الشغل ده ؟


 = قدمت في الشغل ده عشان اي واحد يكون ليه الشرف انه يكون عضو في هيئة النيابة الإدارية الموقرة.

- هتتصرف ازاي لو السيد وكيل النيابة شتمك ؟


 = من حقك السيد وكيل النيابة محاسبتي علي خطأي في العمل ولكن ليس من حقه توجيه اهانات لي وهاخد حقي بتقديم شكوي للسيد مدير النيابة .

- لو أنت بتكتب محضر وحد من قرايبك هو المتهم هتتصرف ازاي ؟


 = هتصرف عادي لأني بعرف افرق بين شغلي وعلاقاتي الاجتماعية.

- لو متهم وبتحقق معاه وأثناء التحقيق قال ألفاظ خارجة هتكتبها في المحضر ولا هتستثنيها ؟


 = طبعا هكتبها لأن المحضر لازم يتكتب فيه كل كلمة صادرة من

 المتهم كما قيلت .

- لو قريبك طلب بيانات من المحضر اللي قدامك للمحامي هتقوم 

بإعطائها له ولا هتبلغ السيد وكيل النيابة ؟ هتتصرف ازاي ؟


 = اكيد مش هقوم بإعطائه أي بيانات لان ده مش قانوني وانا

 بحترم شغلي بغض النظر عن علاقاتي الإجتماعية أو الأسرية.

ملحوظة : دي الاسئلة اللي قدرت ااحصل عليها من زملاء كانو 

معايا في المسابقة اللي فاتت يريت الأخوة اللي معانا في الجروب وكانت في المسابقة اللي فاتت لو يعرفو اسئلة تاني او أي معلومات ينزلوها في الكومنتات " و الله في عون العبد ما

كان العبد في عون اخيه " وصدقوني مفيش حد بياخد رزق حد تاني .
أخيراا : اناا عملت الاسئلة " ااسكرين شوت " عشان تحتفظو بيها كصور عندكم ع الفون او اللاب عشان لو اتقفل حسابي

 تكون فيه نسخة عندكم منهااا.
- اللي محتاج اابعتله الاسئلة والبوست كامل ع الخاص يبعتلي 



وفقنا الله جميعا لما يحب ويرضي
لتمابعة جميع أخبار النيابة الادارية لوظيفة كاتب رابع

 من هنا 
تعليقات
تعليق واحد
إرسال تعليق
  • غاوى تحدى - MTS
    غاوى تحدى - MTS 19 مارس 2017 في 1:12 م

    طيب وبالنسبه للنتيجه بتظهر بعد الاختبار بقد ايه

    إرسال ردحذف



    وضع القراءة :
    حجم الخط
    +
    16
    -
    تباعد السطور
    +
    2
    -